झापा । झापाको लखनपुर स्थित रहेको सशस्त्र प्रहरी पाथीभरा गणका ३ जना जवानसहित ४ जनामा कोरोना संक्रमण पुष्टि भएको छ ।
बिहीबार चार जनामा संक्रमित देखिएका मध्ये तीन जना सशस्त्र प्रहरीका जवान रहेका छन् ।
त्यस्तै भारतबाट फर्किएर होम क्वारेन्टिनमा बसेकी एक जना महिलामा समेत संक्रमण देखिएको छ । उनी दमक वडा नम्बर ५ की हुन् ।
संक्रमितलाई उपचारमा लागि वीपी कोइराला स्वास्थ्य विज्ञान प्रतिष्ठान धरान पठाइएको जनस्वास्थ्य कार्यालय झापाका फोकल पर्सन जीवन चम्लागाईले जानकारी दिए ।
यो संगै झापामा कोरोना संक्रमितको कुल संख्या ३५५ पुगेको छ ।