एजेन्सी । इन्डियन प्रिमियर लिग (आईपीएल) टी–ट्वान्टी क्रिकेटको खेल तालिका सार्वजनिक भएको छ ।
भारतीय क्रिकेट कन्ट्रोल बोर्ड (बीसीसीआई) ले आइतबार १३ औं संस्करणको प्रतियोगिताको खेल तालिका सार्वजनिक गरेको हो ।
खेल तालिका अनुसार सेप्टेम्बर १९ मा अबुधाबीमा हुने उद्घाटन खेलमा साविक विजेता मुम्बई इन्डियन्सले चेन्नई सुपर किङ्ससँग प्रतिस्पर्धा गर्नेछ ।
यस्तै दोस्रो दिन नेपाली राष्ट्रिय टिमका लेग स्पिनर सन्दीप लामिछाने रहेको दिल्ली क्यापिटल्सले किङ्स इलाभेन पन्जाबसँग खेल्नेछ ।
कोरोना भाईरसको कारण आईपीएलको १३ औं संस्करण युएईमा आईपीएल सेप्टेम्बर १९ देखि नोभेम्बर १० सम्म आयोजना हुनेछ ।
लिग चरणको २४ खेल दुबईमा हुनेछ । यस्तै २० खेल आबुधावी र १२ खेल सारजाहमा हुनेछ ।
प्ले अफ र फाइनल खेलको तालिका र भेन्यु भने सार्वजनिक गरिएको छैन ।
खेल तालिका हेर्न यहाँ क्लिक गर्नुहोस ।