एजेन्सी । इंग्ल्यान्ड र अष्ट्रेलियाबीचको तेस्रो तथा अन्तिम एकदिवसीय अन्तर्राष्ट्रिय क्रिकेट हुँदैछ ।
आज (बुधबार) म्यानचेस्टरमा अवस्थित ओल्ड ट्राफोर्डमा हुने अन्तिम एकदिवसीय क्रिकेट नेपाली समय अनुसार साँझ ५ः४५ बजे सुरु हुनेछ ।
अन्तिम खेल निर्णायक हुने भएकोले दुबै टिम जित निकाल्ने लक्ष्यसहित मैदान उत्रने छन् । अघिल्ला दुई खेलमा दुबै टिमले एक एक पटक जित निकालेका छन् ।
पहिलो खेलमा अष्ट्रेलियाले १९ रनको जित निकालेको थियो । तर, दोस्रो खेलमा इंग्ल्यान्डले २४ रनको जित निकालेको थियो ।
दुबै टिम सिरिज जित्ने लक्ष्यसहित मैदान उत्रने छन् । तीन खेलको सिरिज १–१ को बराबरीमा रहेको छ । अन्तिम खेल जित्नेले सिरिज आफ्नो बनाउने छन् ।
यस अघि इंग्ल्यान्डले अष्ट्रेलियाविरुद्धको टी(ट्वान्टी सिरिज समेत २–१ ले जितिसकेको छ ।
