एजेन्सी । स्पेनिस ला लिगा फुटबलमा उपाधिको दाबेदार मानिएको एट्लेटिको मड्रिड लगातार दोस्रो पटक बराबरीमा रोकिएको छ ।
शनिबार घरेलु मैदानमा बल पोजिसनमा पकड जमाएपनि गोल गर्न नसक्दा एट्लेटिको भिल्ला रियलसँग गोलरहित बराबरीमा रोकिएको हो ।
बार्सिलोनाबाट यसै सिजन क्लब आएका लुइस सुआरेजले डेब्यु खेलमा दुई गोल गरे पनि लगातार दोस्रो खेलमा गोल गर्न चुकेका थिए ।
एट्लेटिकोका केहि उत्कृष्ट प्रहारहरु भिल्लाका गोलकिपरले बचाउ गरेका थिए । यसैगरि भिल्लाले पनि खेलमा केहि गोलको अवसर खेर फालेको थियो ।
अर्को खेलमा आइबरले रियल भालाडोलिटलाई २–१ गोल अन्तरले पराजित गरेको छ ।
