काठमाडौं । चौंथो संकरणको धनगढी प्रिमियर लिग (डीपीएल) टी-ट्वान्टी क्रिकेट स्थगित भएको छ ।
आइतबार प्रेस विज्ञप्ति निकाल्दै आयोजक धनगढी क्रिकेट एकेडेमीले चौंथो संस्करणको डीपीएल स्थगित भएको जनाएको छ ।
कोरोना भाईरसको महामारीको कारण कात्तिक ८ देखि २२ गतेसम्म हुने भनिएको चौंथो संस्करणको प्रतियोगिता तोकिएको समयमा आयोजना नहुने भएको छ ।
यसैगरि आयोजकले प्रतियोगिताको नयाँ मिति चाडै तोकिने समेत जनाएको छ । यस अघि प्रतियोगिता करिब ८ महिना सरेको थियो ।
नेपाली राष्ट्रिय क्रिकेट टिम व्यस्त रहने भएपछि सुरुवातमा आयोजकबाट गत वर्षको फागुन ३ गतेबाट आयोजना हुने भनिएको प्रतियोगिता सारिएको थियो ।
डीपीएलमा धनगढी, महेन्द्रनगर, अत्तरिया, रुपन्देही, विराटनगर र काठमाडौं गरी ६ टोलीले सहभागिता जनाउँदै आएका छन् ।
