एजेन्सी । युईएफए नेसन्स लिग फुटबलमा स्पेनले स्विटजरल्याण्डविरुद्ध संघर्षपूर्ण जित निकालेकोे छ ।
मड्रिडमा शनिबार राति भएको खेलमा स्पेनले स्विटजरल्याण्डलाई १–० ले हराउदै संघर्षपूर्ण जित निकालेकोे हो ।
खेलमा पहिलो हाफको १४ औं मिनेटमा मिकेल ओयारजबलले स्पेनका लागि विजयी गोल गरे ।
स्पेनका डेभिड डी गियाले घरेलु टोलीबाट क्लिन चिट पाए । उनी गोलकिपर किपा इरिजाब्लागाको स्थानमा मैदान छिरेका थिए ।
उनले सुरुवातमै लोरिस बेनिटोको प्रहारलाई बचाउ गरेका थिए । जितसंगै स्पेन तालिकाको शीर्ष स्थानमा उक्लिएको छ ।
युक्रेनमाथि जर्मनीको जित
यसैगरि नेसन्स लिग फुटबलमा शनिबार राति जर्मनीले युक्रेनलाई २–१ ले हराउदै जित निकालेको छ ।
विश्वकप फुटबलमा ७ पटक फाइनल पुगेको जर्मनीले नेसन्स लिग फुटबलमा पहिलो जित निकालेको हो ।
मथायस गिन्टरको गोलमा जर्मनीले खेलको २० औं मिनेटमा अग्रता लिएको थियो । लियोन गोरेत्र्जकाले ४९ औं मिनेटमा गोल गदर्लै जर्मनीका अग्रता दोब्बर बनाए ।
घरेलु टोली युक्रेनका रुस्लान मालिनोवस्कीले एक सान्त्वना गोल फर्काए । जर्मनीले दुई वर्ष अघि सुरु नेसन्स लिगमा जित निकाल्न सकेको थिएन ।
करिब ७० हजार दर्शक क्षमताको रगशालामा ३० प्रतिशत दर्शकलाई प्रवेश अनुमती प्रदान गरिएको थियो ।
