एजेन्सी । ईङ्लिस प्रिमियर लिग फुटबलमा उल्भ्सले क्रिस्टल प्यालेसलाई हराउदै शीर्ष तीनमा उक्लिएको छ ।
शुक्रबार राति घरेलु मैदानमा उल्भ्सले क्रिस्टल प्यालेसलाई २–० ले हराउदै शीर्ष तीनमा उक्लिएको हो ।
युवा खेलाडी रायल एट नुरीले डेब्यु खेलमा गोल गरेपछि उल्भ्स शीर्ष तीनभित्र पर्न सफल बनेको हो ।
२१ वर्षिया फ्रान्सका लेफ्ट ब्याक यसै सिजन लोनमा उल्भ्स आएका हुन् । लिग वान क्लब एन्जर्सका खेलाडीले १८ औं मिनेटमा गोल गर्दै उल्भ्सलाई अघि बढाएका थिए ।
क्यासटिलो पोडेन्सले २७ औं मिनेटमा गोल गर्दै उल्भ्सलाई २–० ले जित दिलाए । सुरुवातमै लिएको दुई गोलको अग्रतामा उल्भ्सले महत्वपूर्ण तीन अंक बटुल्न सफल बन्यो ।
दोस्रो हाफमा सुधारिएको प्रर्दशन गरेको प्यालेस खेलको अन्तिम समय १० खेलाडीमा सिमित बनेको थियो ।
लुका मिलोवोजविक रातो कार्ड खादै मैदान बाहिरिएपछि पाहुना टोली १० खेलाडीमा रहेर खेलको अन्त्य गरेको थियो ।
