एजेन्सी । इंग्लिस प्रिमियर लिग फुटबलमा म्यानचेस्टर सिटीले बर्नलीमाथि सानदार जित निकालेको छ ।
शनिबार राति भएको खेलमा सिटीले बर्नलीलाई ५–० गोल अन्तरले पराजित गर्दै सानदार जित निकालेको हो ।
घरेलु मैदानमा सिटीलाई जित दिलाउन रियाद महरेजले ह्याट्रिक गरे । यस्तै बेन्जामिन मेन्डी र फेरान टोरेसले एक एक गोल गरे ।
बर्नलीविरुद्ध एकतर्फी जित निकाल्ने क्रममा सिटीले खेलको छैटौं मिनेटमा महरेजको गोलबाट अग्रता बनाएको थियो ।
खेलको २२ औं मिनेटमा महरेजले व्यक्तिगत दोस्रो गोल गर्दै सिटीलाई २–० को अग्रता दिलाए ।
यसैगरि खेलको ४१ औं मिनेटमा मेन्डीले गोल गरेपछि पहिलो हाफमा सिटी ३–० ले अघि रह्यो ।
खेलको ६६ औं मिनेटमा टोरेसले गोल गर्दै टोलीको अग्रता ४–० को बनाए । यसपछि खेलको ६९ औं मिनेटमा महरेजले व्यक्तिगत तेस्रो गोल गर्दै ह्याट्रिक पुरा गर्दा सिटीले ५–० को सानदार जित निकालेको हो ।
