एजेन्सी । फिफा विश्वकप–२०२२ दक्षिण अमेरिकी छनोट अन्तर्गत चिलीसँग अर्जेन्टिना बराबरीमा रोकिएको छ । शुक्रबार बिहान भएको खेलमा अर्जेन्टिना चिलीसँग १–१ गोलको बराबरीमा रोकिएको हो ।
खेलमा सुरुवाती अग्रता अर्जेन्टिनाले बनाएको थियो । खेलको २३ औं मिनेटमा कप्तान लियोनल मेस्सीले पेनाल्टीमा गोल गर्दै टिमलाई अग्रता दिलाएका थिए ।
तर, खेलको ३६ औं मिनेटमा एलेक्सिस सान्चेजले गोल गर्दै चिलीलाई हारबाट जोगाए । यस बराबरीसँगै अर्जेन्टिनाले ५ खेलमा ११ अंक जोडेको छ ।
अर्जेन्टिना छनोटको दोस्रो स्थानमा रहेको छ । चिली ५ अंक जोडेर छैटौं स्थानमा रहेको छ ।
अर्को खेलमा उरुग्वे र पराग्वेले गोलरहित बराबरी खेलेका छन् । त्यस्तै बोलिभियाले भेनेजुएलालाई ३–१ ले हराएको छ ।