एजेन्सी । फिफा विश्वकप–२०२२ दक्षिण अमेरिकी छनोटमा ब्राजिलले इक्वेडरमाथि सहज जित निकालेको छ ।
शनिबार भएको खेलमा ब्राजिलले इक्वेडरलाई २–० गोल अन्तरले पराजित गरेको हो । ब्राजिललाई जित दिलाउन रिचार्लिसन र नेयमारले एक एक गोल गरे ।
खेलको ६५ औं मिनेटमा रिचार्लिसनले गोल गर्दै ब्राजिललाई अग्रता दिलाएका थिए । त्यसपछि खेलको इन्जुरी समयमा नेयमारले पेनाल्टीमा गोल गर्दै ब्राजिललाई २–० गोलको जित दिलाए ।
जितसँगै ब्राजिलले ५ खेलमा १५ अंक जोडेको छ । ब्राजिल तालिकाको शीर्ष स्थानमा रहेको छ । यसैगरि इक्वेडर ९ अंक जोडेर तेस्रो स्थानमा रहेको छ ।