एजेन्सी । कोपा अमेरिका फुटबलमा आयोजक ब्राजिलले भेनेजुएलालाई पराजित गर्दै सानदार विजयी सुरुवात गरेको छ ।
आइतबार राति ब्राजिलकोस्टाडियो नेसनल डी ब्रासिलियामा भएको उद्घाटन खेलमा भेनेजुएलालाई ३–० गोल अन्तरले पराजित गर्दै ब्राजिलले सानदार विजयी सुरुवात गरेको हो ।
ब्राजिललाई जित दिलाउन मार्क्विवन्होस, नेयमार र गार्बियल बर्बोसाले एक एक गोल गरे ।
खेलको २३ औं मिनेटमा मार्क्विवन्होसले गोल गर्दै ब्राजिललाई सुरुवाती अग्रता दिलाएका थिए ।
यसैगरि खेलको ६४ औं मिनेटमा डानिलोलाई भेनेजुएलाका योहानले पेनाल्टी बक्स क्षेत्रमा लडाएपछि ब्राजिलले पेनाल्टी पाएकोमा नेयमारले पेनाल्टीमा गोल गर्दै ब्राजिललाई २–० को अग्रता दिलाए ।
ब्राजिलका लागि नेयमारको यो ६७ औं गोल हो । पेलेको कीर्तिमान भन्दा नेयमार १० गोलले पछि रहेका छन् ।
त्यसपछि खेलको ८९ औं मिनेटमा नेयमारको पासमा गार्बियलले गोल गर्दै ब्राजिललाई ३–० को जित दिलाए ।
यस जितसँगै समूह ‘बी’ मा रहेका ब्राजिलले पहिलो खेलमै महत्वपूर्ण ३ अंक जोडेको छ । ब्राजिल समूहको शीर्ष स्थानमा रहेको छ ।
भेनेजुएलाले हारबाट प्रतियोगिताको सुरुवात गरेको छ । भेनेजुएला समूहको पुछारमा रहेको छ ।