काठमाडौं । नेपाली राष्ट्रिय फुटबल टिमका कप्तान तथा गोलकिपर किरण चेम्जोङले ‘फ्यान्स प्लेयर अफ दि सिजन’ अवार्ड जितेका छन् ।
बिहीबार चेम्जोङले ‘फ्यान्स प्लेयर अफ दि सिजन’ अवार्ड प्राप्त गरेको भारतको शीर्ष डिभिजन लिग हिरो आईलिगले जनाएको छ ।
यस अघि चेम्जोङले ‘आईलिग फ्यान अफ दि सिजन’ अवार्ड समेत जितेका थिए । किरणले पन्जाब एफसीबाट आईलिग खेलेका थिए ।
उनले १४ खेलमा ७ क्लिन सिट हात पारेका थिए । यस्तै किरणले विपक्षीको ५६ सट रोकेका थिए ।
किरण आईलिगको उत्कृष्ट गोलकिपर समेत चुनिएका थिए ।
