- सुक योङहाङ
कचनकवल । झापाको कचनकवल ७ बालुबडीमा जारि प्रथम पाथीभरा नकाउट फूटबल प्रतियोगिता २०७८ मा बगान युथ क्लवले संघर्षपुर्ण जित निकालेको छ ।
आईबार कुनाबाडी खेल मैदानमा सम्पन्न खेलमा सडेन् डेत्थमा बालुबाडी युवा परिवार ‘बी’लाई ९–८ गोल अन्तरले पराजित गर्दै बगान युथले संघर्षपुर्ण जित निकालेको हो ।
निर्धारित समयमा गोलरहित बराबरीमा खेल सकिएपछि नतिजा ट्राईब्रेकरमा धकेलिएको हो । ट्राईब्रेकरमा समेत नतिजा आउन नसक्दा सडेन डेत्थमा बगान युथका गोल किपरले एक गोल सेभ गरे संगै नतिजा कप्जा गरेको हो ।
खेलको मेन अफ दी म्याच बालुबाडी युवा परिवारका गोल किपर निश्चल लिम्बु घोषित भएका छन् ।
यसरीनै प्रथम पाथीभरा नकाउट फूटबल प्रतियोगिता अन्तरगत बुधबार बालुबाडी युवा परिवार ‘ए’ र घेराबारी युवा परिवार वीच हुनेछ ।
यस्तै प्रतियोगिताको बिजेताले २५ हजार नगद पुरस्कारको साथमा ट्रफी, मेडल तथा प्रमाण–पत्र पाउने छ । प्रतियोगिताको फाईनल खेल फागुन २१ गते हुने आयोजकले जनाएको छ ।
