दमक । दमक गोल्डकप फुटबलको खेल तालिका सार्वजनिक भएको छ ।
नगर खेलकुद विकास समिति दमकको आयोजनामा चैत ९ देखि १८ गतेसम्म आयोजना हुने गोल्डकपको खेल तालिका सार्वजनिक भएको हो ।
गोल्डकपको उद्घाटन खेलमा आयोजक दमक –११ र बागमती युथ क्लबबीच प्रतिस्पर्धा हुनेछ ।
दमक नगरपालिका ३ दुम्सेमा अवस्थित प्रस्तावित मदन भण्डारी रंगशालामा आयोजना हुने गोल्डकपमा १० टिमको सहभागिता रहेको छ ।
प्रतियोगिताको विजेताले १३ लाख ११ हजार तथा उपविजेताले ६ लाख ११ हजार नगदसहित ट्रफी र मेडल प्राप्त गर्नेछन् । सर्वोत्कृष्ट खेलाडीलाई एक थान मोटरसाइकल दिइनेछ ।
यस्तै सर्वाधिक गोलकर्ता, उत्कृष्ट गोलरक्षक, डिफेन्डर, मिडफिल्डर, प्रशिक्षक र फरवार्डले जनही नगद २१ हजार रुपैयाँ प्राप्त गर्ने छन् ।
