माङसेबुङ । नेपालले एएफसी एसियन कप छनोटको तेस्रो चरणमा लगातार दोस्रो पटक पराजित भएको छ ।
नेपाल आयोजक कुवेतसँग शनिबार राति भएको खेलमा ४–१ गोल अन्तरले पराजित भएको हो ।
कुवेतको जाबिर अल अहमद स्टेडियममा घरेलु टोलीलाई जित दिलाउन युसेफ अलसुलिमानले दुई गोल गरे । यसैगरि फाहद अल्रेशिदी र मोबारक अल्फानिनीले एक एक गोल गरे ।
नेपालका लागि दर्शन गुरुङले सान्तवना स्वरुप एक गोल फर्काए । यस हारसँगै नेपालले २ खेल खेल्दा अंक बिहिन रहेको छ ।
छनोटको समूह ‘ए’ मा रहेको नेपाल अंक विहीन रहदै पुछारमा रहेको छ । कुवेतको यो पहिलो जित हो । कुवेत २ खेलमा ३ अंक जोडेर तेस्रो स्थानमा रहेको छ ।
यसैगरि नेपालले छनोट अन्तर्गत अन्तिम खेलमा इन्डोनेसियासँग ३१ जेठमा खेल्नेछ ।
