काठमाडौं । नेपाललाई जितका लागि एसीसी महिला टी–ट्वान्टी च्याम्पियनसिपको पहिलो सेमिफाइनलमा युएईले ८२ रनको लक्ष्य दिएको छ ।
मलेसियाको किनरारा ओभलमा टस हारेर पहिले ब्याटिङ गरेको युएईले १९ ओभर ५ बलमा अलआउट हुँदै ८१ रन बनायो ।
युएईका लागि वैष्णवी महेशले सर्वाधिक १६ रन बनाउदा इशा रोहितले १५ रन जोड्दा कप्तान छाया मुघल १४ रनमा र खुसी शर्मा १२ रनमा आउट भईन् ।
नेपालकी अश्मिना कर्माचार्य एक्लैले ५ विकेट लिईन् । यस्तै इन्दु वर्माले ३ र सीता रानाले २ विकेट हात पारिन् ।
आज नेपाल युएईलाई हराउँदै फाइनल पुग्न चाहन्छ । युएई पनि नेपाललाई हराएर फाइनल पुग्न चाहन्छ ।