काठमाडौं । एसीसी महिला टी–ट्वान्टी च्याम्पियनसिपमा नेपालको फाइनल यात्रामा बर्षा बाधक बनेको छ ।
युएईविरुद्धको पहिलो सेमिफाइनल वर्षाको कारण रद्द हुँदा नेपाल बाहिरिएको छ । युएई भने फाइनल प्रवेश गरेको छ । समूह चरणमा समूह विजेता बनेको कारण युएई फाइनल पुगेको हो ।
यसैगरि नेपाल सेमिफाइनलबाट बाहिरिएपछि एसिया कप क्रिकेटमा छनोट हुन समेत असफल भएको छ । फाइनल पुग्ने दुई टोली महिला टी–ट्वान्टी एसिया कप क्रिकेटमा छनोट हुनेछन् ।
मलेसियाको किनरारा ओभलमा युएईले नेपाललाई जितका लागि ८२ रनको लक्ष्य दिएको थियो । तर, भारी वर्षाको कारण नेपालले ब्याटिङ नगर्दै खेल रद्द भयो ।
त्यसअघि टस हारेर पहिले ब्याटिङ गरेको युएईले १९ ओभर ५ बलमा अलआउट हुँदै ८१ रन बनाएको थियो ।
युएईका लागि वैष्णवी महेशले सर्वाधिक १६ रन बनाउदा इशा रोहितले १५ रन जोड्दा कप्तान छाया मुघल १४ रनमा र खुसी शर्मा १२ रनमा आउट भईन् ।
नेपालकी अश्मिना कर्माचार्य एक्लैले ५ विकेट लिईन् । यस्तै इन्दु वर्माले ३ र सीता रानाले २ विकेट हात पारिन् ।