दमक । आज शनिबार नेपाली राष्ट्रिय क्रिकेट टिमका नवनियुक्त मुख्य प्रशिक्षक मनोज प्रभाकर नेपाल आईपुग्ने भएका छन् ।
मुख्य प्रशिक्षक प्रभाकर शनिबार बेलुका ६ः१० बजे त्रिभुवन विमानस्थल आईपुग्ने नेपाल क्रिकेट संघ (क्यान)ले जनाएको छ ।
मुख्य प्रशिक्षक पुबुदु दासानायकेले केहि साता अघि राजीनामा दिएपछि क्यानले प्रभाकरलाई नियुक्त गरेको हो । क्यानले प्रभाकरसँग एक वर्षको सम्झौता गरिएको जनाएको छ ।
नेपालको मुख्य प्रशिक्षकका रुपमा प्रभाकरको पहिलो प्रतियोगिता केन्याविरुद्धको रहने छ । नेपाली टोली भदौ पहिलो साता केन्या भ्रमणका लागि निस्कने छ ।
