दमक । लिभरपुल इंग्लिस प्रिमियर लिग फुटबलमा बराबरीमा रोकिएको छ ।
१० खेलाडीमा समेटिएको लिभरपुल सोमबार राति भएको खेलमा क्रिस्टल प्यालेससँग १–१ गोलको बराबरीमा रोकिएको हो ।
प्रतिस्पर्धात्मक खेलमा सुरुआती अग्रता भने प्यालेसले बनाएको थियो । खेलको ३२ औं मिनेटमा विलफ्रेड जाहाले गोल गर्दै प्यालेसलाई अग्रता दिलाए ।
तर, खेलको ५७ औं मिनेटमा डार्विन नुनेजले रातो कार्ड पाएपछि लिभरपुल १० खेलाडीमा समेटिएको थियो ।
त्यसपछि खेलको ६१ औं मिनेटमा लुइस डियाजले गोल गर्दै लिभरपुललाई १–१ गोलको बराबरीमा ल्याएका थिए ।
लिभरपुलको यो लगातार दोस्रो बराबरी हो ।
