भदौ १२, काठमाडौं । युएईमा जारी एसिया कप क्रिकेटमा साविक विजेता भारतले विजयी सुरुआत गरेको छ ।
आइतबार राति दुबईमा भएको रोमान्चक खेलमा पाकिस्तानलाई ५ विकेटले हराउँदै भारतले सुखद बिजयी सुरुआत गरेको हो ।
पाकिस्तानले दिएको १ सय ४८ रनको लक्ष्य भारतले १९ ओभर ४ बलमा ५ विकेट गुमाएर पूरा गर्यो ।
भारतको जितमा रविन्द्र जडेजा र विराट कोहलीले समान ३५÷३५ रन, हार्दिक पाण्डयले अविजित ३३ रन, सूर्यकुमार यादव १८, कप्तान रोहित शर्माले १२ र केएल राहुल सुन्य रनमा आउट भए ।
पाकिस्तानका मोहमद नवाजले ३ तथा शाहानवाज दाहानीले २ विकेट लिए ।
यसअघि टस हारेर पहिले ब्याटिङ गरेको पाकिस्तानले १९ ओभर ५ बलमा अलआउट हुँदै १ सय ४७ रन बनाएको थियो ।
पाकिस्तानका लागि मोहमद रिजवानले सर्वाधिक ४३ रन बनाउदा इफ्तिखर अहमेदले २८, कप्तान बाबर आजम, फखर जमान र शादब खान समान १० रन बनाएर आउट हुदाँ शाहानवाज दाहानीले १६ रन र हरिस राउफले अविजित १३ रन बनाए ।
भारतका भुवनेश्वर कुमारले ४ विकेट लिदां हार्दिक पाण्डयले ३ तथा अश्रदिप सिंहले २ र आभेस खानले १ विकेट लिए ।
यस जितसँगै समूह ‘ए’ को भारतले पहिलो खेलमा २ अंक जोडेको छ । पाकिस्तानले भने हारबाट प्रतियोगिताको सुरुआत गरेको छ ।