भदौ २२, काठमाडौं । नेपालमा जारी छैटौं संस्करणको महिला साफ च्याम्पियनसिप फुटबलमा बंगलादेशले विजयी सुरुवात गरेको छ ।
बुधबार साँझ त्रिपुरेश्वरस्थित दशरथ रंगशालामा भएको खेलमा माल्दिभ्सलाई ३–० गोल अन्तरले हराउँदै बंगलादेशले विजयी सुरुवात गरेको हो ।
बंगलादेशको जितमा कप्तान सबिना खातुनले दुई गोल तथा मसुरा प्रभिनले एक गोल गरिन् । बंगलादेशले तीनै गोल पहिलो हाफमा गरेको थियो ।
यस जितसँगै समूह ‘ए’ को बंगलादेशले पहिलो खेलमै ३ अंक जोडेको छ । यता माल्दिभ्सले भने हारबाट प्रतियोगिताको सुरुवात गरेको छ ।
यसै समूहको खेलमा भारतले पाकिस्तानलाई ३–० ले नै हराएको थियो ।
प्रतियोगितामा आयोजक नेपाल, भारत, श्रीलंका, भुटान, बंगलादेश, पाकिस्तान र माल्दिभ्सको सहभागिता रहेको छ ।