कातिक १९, माङसेबुङ । नेपालले बंगलादेशमा जारी साफ यू–१५ महिला च्याम्पियनसिप फुटबलमा लगातार दोस्रो जित हासिल गरेको छ ।
नेपालले शनिबार ढाकामा भएको खेलमा घरेलु टोली बंगलादेशलाई १–० गोल अन्तरले हराउँदै लगातार दोस्रो जित हासिल गरेको हो ।
नेपालको जितमा वर्षा ओलीले खेलको ८७ औं मिनेटमा निर्णायक गोल गरिन् । यस जितसँगै नेपालले २ खेलमा ६ अंक जोडेको छ ।
नेपाल अंक तालिकाको शीर्ष स्थानमा उक्लिएको छ । नेपालले पहिलो खेलमा बिहीबार भुटानलाई ७–० गोल अन्तरले हराएको थियो ।
बंगलादेश २ खेलमा ३ अंक जोडेर दोस्रो स्थानमा रहेको छ । अब नेपालले बुधबार भुटान र शुक्रबार पुनः बंगलादेशसँग खेल्नेछ ।
च्याम्पियनसिपमा आयोजक बंगलादेशसँगै नेपाल र भुटानको सहभागिता रहेको छ । डबल राउण्ड रोबिन लिगको आधारमा हुने प्रतियोगिताको शीर्ष टोलीले उपाधि जित्नेछ ।
