कातिक २३, माङसेबुङ । नेपाल अपराजित रहंदै बंगलादेशमा जारी साफ यू-१५ महिला च्याम्पियनसिप फुटबलमा शीर्ष स्थानमा उक्लिएको छ ।
ढाकामा बुधबार भएको खेलमा भुटानलाई १-० गोल अन्तरले हराउँदै नेपालले लगातार तेस्रो जित निकालदै शिर्ष स्थानमा उक्लिएको हो ।
नेपालको जितमा सेनु परियारले खेलको ४९ औं मिनेटमा निर्णायक गोल गरिन् ।
सेनु वर्षा ओलीको स्थानमा मैदान प्रवेश गरेकी थिइन् ।
भुटानमाथि नेपालको यो लगातार दोस्रो जित हो । पहिलो भेटमा नेपालले भुटानलाई ७-० गोलले हराएको थियो ।
यस जितसँगै नेपालले ३ खेलमा पराजित रहदै ९ अंक जोडेको छ । 
भुटान अंक विहीन रहदै प्रतियोगिताबाट बाहिरिएको छ । भुटानले ४ खेलमै हार व्यहोर्यो ।
आयोजक बंगलादेश ३ खेलमा ६ अंक जोडेर दोस्रो स्थानमा रहेको छ । अब नेपालले अन्तिम खेलमा शुक्रबार बंगलादेशको सामना गर्नेछ ।
