बैशाक १०, इटहरी । प्रदेश न.१ पुनः नामाङकन संयुक्त संघर्ष समितिले सुनसरीको इटहरी चौकमा विरोध सभा गरेको छ ।
आईतवार प्रदेशको नाम कोशी खारेजीको माग गर्दै संयुक्त संघर्ष समितिको आयोजनामा विरोध सभा गरिएको हो ।
हजारौंको संख्यामा र्यालिसहित उपस्थित प्रदर्शनकारीले कोशी प्रदेश खारेज गर जस्ता नाराबाजी गर्दै बजार परिक्रमा गरि इटहरीको मुख्य चौकमा आएर विरोध सभा गरेका थिए ।
विरोध सभामा लेखक खगेन्द्र संग्रौला, नेपाल आदिवासी जनजाति महासंघका पूर्व उपाध्यक्ष गोबिन्द छन्त्याल, जनमुक्ति पार्टी नेपालका नेता सन्जुहाङ पालुङ्वा, संघीय लोकतान्त्रिक राष्ट्रिय मन्चका रघुबिर सिंह ठगुन्ना, पहिचान सहितको प्रदेश न. १ पुनः नामाङकन अभियान समितिका अध्यक्ष डकेन्द्रसिंह थेगिम लगायतले सभालाई सम्बोधन गरेको थिए ।
यसैगरी संघर्ष समितिले भोलि सोमबारदेखि विराटनगर केन्द्रित शान्तिपूर्ण विरोध प्रदर्शन गर्ने जनाएको छ ।
