बैशाक १३, काठमाडौं । नेपाल जोर्डनमा जारी एएफसी यू-१७ महिला एसियन कप छनोटको पहिलो खेलमा इरानसँग पराजित भएको छ ।
बुधबार जोर्डनको प्रिन्स मोहमद स्टेडियममा भएको खेलमा इरानसँग १-० गोल अन्तरले नेपाल पराजित भएको हो ।
इरानको जितमा खेलको ८१ औं मिनेटमा एरिसा कुह गार्डले निर्णायक गोल गरिन् ।
समूह ‘एच’ मा रहेको नेपालले अब दोस्रो खेलमा शुक्रबार आयोजक जोर्डनसँग खेल्नेछ ।
यस समूहमा नेपाल, जोर्डन र इरान रहेको छ । समूह विजेताले छनोटको दोस्रो चरणमा स्थान बनाउने छन् ।