जेठ १, काठमाडौं । बार्सिलोनाले स्पेनिस ला लिगाको उपाधि जितेको छ ।
आइतबार राति घरेलु टोली स्पानियोलमाथि ४-२ को सहज जित निकाल्दै बार्सिलोना स्पेनिस ला लिगाको उच्याम्पियन बनेको हो ।
बार्सिलोनाको जितमा रोबर्ट लेवान्डोवस्कीले दुई तथा एलेजान्ड्रो ब्लेड र ज्युल्स कोन्डेले समान १/१ गोल गरेका थिए ।
यता स्पानियोलका जाभियर पुवाडो र जोसेलुले समान १/१ गोल गरेका थिए ।
यो सँगै बार्सिलोनाले २७ औं पटक ला लिगाको उपाधि जितेको छ । बार्सिलोनाले सन् २०१८–१९ सिजन पछि ला लिगाको उपाधि जितेको यो पहिलो पटक हो ।
जाभी हर्नान्डेज टोलीको मुख्य प्रशिक्षक बनेपछि बार्सिलोनाले पहिलो पल्ट ला लिगाको उपाधि जितेको हो ।
अर्जेन्टिनाका स्टार खेलाडी लियोनेल मेस्सीले क्लब छाडेपछि बार्सिलोनाको यो पहिलो ला लिगा उपाधि हो ।
