असार ३१, काठमाडौं । बंगलादेशविरुद्धको अन्तराष्ट्रिय मैत्रीपूर्ण सिरिजको उपाधि नेपालको राष्ट्रिय महिला फुटबल टिमले जितेको छ ।
आईतबार दोस्रो खेलमा नेपालले टाइब्रेकरमा बंगलादेशलाई ४-२ गोल अन्तरले पराजित गर्दै उपाधि जितेको हो ।
बंगलादेशसँग गोल रहित बराबरी खेलेको नेपालले बैकल्पिक गोलकिपर अन्जना रानामगरले दुई प्रहार रोकेपछि नबंगलादेशलाई पराजित गरेको हो ।
निर्धारित समयको खेल गोल रहित बराबरीमा सकिएपछि मैत्रीपूर्ण सिरिजको निर्णय टाइब्रेकरमा गरिएको थियो ।
एशियाडको तयारीमा रहेको नेपालको राष्ट्रिय महिला फुटबल टिमले पहिलो खेलमा समेत घरेलु टोली बंगलादेशसँग १–१ गोलको बराबरी खेलेको थियो ।
नेपाललाई पराजित गर्दै बंगलादेशले गत वर्ष साफ च्याम्पियनसिपको उपाधि जितेको थियो ।
नेपालले दुई खेलको मैत्रीपूर्ण सिरिजमा हराउँदै बंगलादेशी भुमिका अन्तराष्ट्रिय उपाधि भने जितेको छ ।
