साउन ३२, काठमाडौं । नेपाली टोली मछिन्द्र फुटबल क्लब एएफसी कप छनोटमा भारतको मोहन बगान सुपर जायन्टसँग पराजित भएको छ ।
भारतमा भएको खेलमा मछिन्द्र मोहन बगानसँग ३-१ गोल अन्तरले पराजित भएको हो ।
पराजयसँगै मछिन्द्र एएफसी कप छनोट चरणबाटै बाहिरिएको छ ।
मोहन बगानका लागि अनवर अलीले २ तथा जेसन कमिंग्सले १ गोल गरे । मछिन्द्रका लागि मेसुके ओलोमोउले सान्तवना गोल गरे ।
मछिन्द्रले पहिलो चरणमा भुटानको पारो एफसीलाई ३-२ गोलअन्तरले पराजित गर्दै दोस्रो चरणमा प्रवेश गरेको थियो ।
