असोज ४, काठमाडौं । आज बिहीबारबाट काठमाडौं स्थित दशरथ रंगशालामा साफ यू–१९ फुटबल च्याम्पियनसिप सुरु हुदैछ ।
प्रतियोगितामा साफ रिजनका ६ टोली सहभागी छन् । बिहीबारबाट सुरु हुने प्रतियोगिता असोज १३ गतेसम्म हुनेछ ।
नेपालले आज बिहिबार पाकिस्तानसँग खेल्दै प्रतियोगिताको सुरुवात गर्नेछ । नेपाल रहेको समूहमा पाकिस्तान सहित माल्दिभ्स समेत रहेको छ । समूह बीमा भारत, भुटान र बंगलादेश रहेका छन् ।
यू–१९ को फुटबल टिमलाई राष्ट्रिय टिम निर्माणको महत्वपुर्ण स्रोत मानिएको नेपाली टिम जियारत शेखको कप्तानीमा मैदान उत्रन्दैछ । सुनिल श्रेष्ठ नेपाली टिमको मुख्य प्रशिक्षक रहेका छन् ।