असोज ४, काठमाडौं । दक्षिण एसियाली फुटबल महासंघ (साफ) यु–१९ च्याम्पियनसिपमा घरेलु टोेली नेपालले हारबाट सुरुवात गरेको छ ।
बिहिबार त्रिपुरेश्वरस्थित दशरथ रंगशालामा भएको पहिलो खेलमै पाकिस्तानसँग १–० गोल अन्तरले पराजित हुर्दै नेपालले प्रतियोगिता हारबाट सुरुवात गरेको हो ।
पाकिस्तानको जितमा अली जफरले गरेको एक मात्र गोल निर्णायक बन्यो । ७६औं मिनेटमा जफरले करिब ३० यार्डबाट गरेको प्रहारले सिधै जाली चुमेको थियो ।
जितसँगै समूह ‘बी’ को पाकिस्तानले तीन अंक जोडेको छ । अब पाकिस्तानले शनिबार तथा नेपालले सोमबार माल्दिभ्सको सामना गर्नेछन् ।
