असोज १०, काठमाडौं । नेपाल यू–१९ साफ च्याम्पियनसिपको सेमिफाईनलमा भारतसँग पराजित भएको छ ।
बुधबार साँझ दशरथ रंगशालामा भएको दोस्रो सेमिफाइनलमा नेपाल टाईब्रेकरमा भारतसँग ३–२ गोल अन्तरले पराजित भएको हो ।
जित सँगै भारत प्रतियोगिताको फाइनलमा प्रवेश गरेको छ । भारतले उपाधिकालागि पाकिस्तानसँग प्रतिस्पर्धा गर्नेछ ।
भारतका लागि खेलको २६ औं मिनेटमा शाहिल खुर्सिदले गोल गर्दै सुरुवाती अग्रता दिलाएका थिए ।
तर खेलको ७४ औं मिनेटमा समिर तामाङले गर्दै नेपाललाई बराबरीमा फर्काएका थिए ।
निर्धारित समयको खेल १–१ गोलको बराबरीमा सकिएपछि निर्णय टाईब्रेकरमा गरिएको थियो ।