असोज २०, काठमाडौं । भारतमा जारि एकदिवसीय विश्वकप क्रिकेटमा बंगलादेशले विजयी सुरुवात गरेको छ ।
शनिबार धर्मशालामा भएको खेलमा बंगलादेशले अफगानिस्तामाथि ६ विकेटको जित निकालेको हो ।
सुरुवामा ब्याटिङ गरेको अफगानिस्तान १ सय ५६ रनमा अलआउट भएको थियो । ओपनर रहमानुल्लाह गुरबाजले सर्वाधिक ४७ रन बनाउदा इब्राहम जर्दान र अजमतुल्लाह उमरजईले समान २२ रन बनाए ।
रहमत शाह र हशमतुल्लाह शाहिदीले समान १८ रन बनाउनु बाहेक अन्य खेलाडीले दोहोरो अंक बनाउन सकेनन् ।
बंगलादेशका शाकिब अल हसन र मेहदी हसन मेराजले समान ३ विकेट लिए । सोरिफुल इस्लामले २ तथा तास्किन अहमद र मुस्ताफिजुर रहमानले एक एक विकेट लिए ।
अफगानिस्तानले दिएको १ सय ५७ रनको सामान्य लक्ष्य पछ्याएको बंगलादेशले ३४ दशमलव ४ ओभरमा मात्र ४ विकेट गुमाएर लक्ष्य पुरा गर्यो ।
नजमुल हुेसन शान्तोले सर्वाधिक ५९ रन बनाउदा मेहदी हसन मेराजले ५७ रनको योगदान गरे ।
ओपनर ताहिद हसन ५ र लिटोन दास १३ रनमा आउट हुदां कप्तान सकिब अल हसन १४ रनमा आउट भए भने मुश्फिकुर रहीम २ रनमा नटआउट रहे ।
अफगानिस्तानका अजमतुल्लाह उमरजइ, नवीन उल हक र फजलहक फारुकीले समान एक एक विकेट लिएका थिए ।
