असोज २६, काठमाडौं । नेपाली राष्ट्रिय टिमका लेग स्पिनर सन्दीप लामिछानेले समाजिक सञ्जालमार्फ आफू मानसिक रूपमा तयार नरहेको र परिवारलाई समय दिन चाहेको भन्दै राष्ट्रिय टिमबाट नाम फिर्ता लिने घोषण गरेका छन् ।
सन्दीपले कात्तिक १ गतेदेखि १० गतेसम्म नेपालमै हुने त्रिकोणात्मक शृंखला नखेल्ने भएका छन् । उनले सोही कारण राष्ट्रिय क्रिकेट टिमको नागपुर भ्रमण समेत स्थगित गरेका थिए ।
‘म आफ्नो जीवनको कठिन र चुनौतीपूर्ण समयबाट गुज्रिरहेको छु । मलाई लागेको छ कि म आफैलाई पुनर्जीवित गर्नुपर्ने आवश्यक छ । मैले यो समय परिवारसँग बिताउन आवश्यक ठानेको छु, त्यसैगरी नेपाली टोलीबाट नाम फिर्ता लिएको घोषणा गर्दछु,’ सन्दीपले भनेका छन् ।
नेपाल क्रिकेट संघ (क्यान) ले ट्वान्टी–२० विश्वकप छनोटको तयारी स्वरुप युएई र हङकङ सम्मिलित त्रिकोणात्मक शृंखलाको आयोना गर्दैछ ।
नेपालले कात्तिक १ मा युएईसँग खेल्दै शृंखलाको सुरुआत गर्नेछ । शृंखलाको फाइनल कीर्तिपुरस्थित त्रिभुवन विश्वविद्यालयको क्रिकेट मैदान तथा अन्य खेल मुलपानी क्रिकेट मैदानमा हुनेछ ।
