घरेलु मैदानमा मार्क गुइउले डेब्यु गरेको ३३ सेकेन्डमा नै गोल गरेपछि बार्सिलोनाले एथलेटिको बिलबाओलाई १–० ले हराउँदै जित निकालेको हो ।
१७ वर्षका स्पेनिस फरवार्ड ७९ औं मिनेटमा अर्का युवा खेलाडी फर्मिन लोपेजको स्थानमा मैदान छिरेका थिए । लगत्तै उनले बार्सिलोनाका लागि गोल गरे ।
क्लब इतिहासमा बार्सिलोनाका लागि सबैभन्दा छिटो गोल गर्ने मार्क गुइउ पहिलो खेलाडी बनेका छन् ।
गुइउ बार्सिलोनाको एकेडेमीका खेलाडी हुन् । उनी सन् २०१२ मा ला मासियामा आबद्ध भएका थिए ।
जित सहित बार्सिलोना लिग तालिकाको तेस्रो स्थानमा उक्लिएको छ । र शीर्ष स्थानको रियल मड्रिडसँगको दुरी एक अंकमा झारेको छ ।