कातिक ८, काठमाडौं । नेपालले काठमाडौंमा जारी त्रिकोणात्मक टी–२० अन्तराष्ट्रिय क्रिकेट सिरिजको उपाधिका लागि यूएईसँग खेल्ने भएको छ ।
मुलपानी क्रिकेट मैदानमा बुधबार हङकङसँग पराजित भएपनि नेटरन रेटका आधारमा यूएई फाइनल प्रवेश गरेसँगै नेपालसँग उपाधिका लागि प्रतिस्पर्धा गर्ने भएको हो ।
चारै खेलमा शानदार जित सहित नेपाल यसअघिनै सिरिजको फाइनल प्रवेश गरिसकेको छ । समान एक खेलमा जित हात पारेपनि हङकङको तुलानमा यूएईको रनरेट राम्रो देखिएकोले फाइनलमा स्थान पक्का गरेको हो ।
बुधबारको खेलमा हङकङले यूएईलाई ६९ रनले पराजित गर्यो । हङकङले प्रस्तुत गरेको २ सय १२ रनको विशाल लक्ष्य पछ्याएको यूएई ५ विकेट गुमाएर १ सय ४३ रनामा अलआउट भयो । यूएईका खालिद साहले ३५ रन बनाउनु बाहेक अन्यको प्रर्दशन उल्लेख्य रहेन ।
सुरुआती ब्याटिङ गरेको हङकङले निर्धारित ओभरमा ३ विकेट गुमाएर २ सय १२ रन बनाएको थियो । हङकङका लागि मार्टिन कोइत्जीले सर्वाधिक ८६ रन बनाएका थिए । बाबर हायातले २० बलमा अविजित ६० रनको विस्फोटक इनिङ्स खेलेका थिए ।
सिरिजको उपाधिका लागि शुक्रबार त्रिवि मैदानमा नेपाल र यूएईले खेल्नेछन् ।
