मंसिर ५, काठमाडौं । विश्वकप फुटबलको एसियन छनोटमा नेपाल यमनसँग पराजित भएको छ ।
मंगलबार साँझ दशरथ रंगशालामा भएको खेलमा नेपाल यमनसँग २–० गोल अन्तरले पराजित भएको हो ।
जितसँगै समूह ‘एच’ को यमनले दुई खेलमा ३ अंक जोडेको छ । दुवै खेलमा पराजित नेपाल अंकविहिन छ । पहिलो खेलमा नेपाल युएईसँग ४–० तथा यमन बहराइनसँग २–० ले पराजित भएका थिए ।
यमनको जितमा ओमार अब्दुल्ला अल दही र मोहम्मद अब्दुल्ला अल दहीले एक एक गोल गरे ।
पहिलो हाफमा यमनलाई बराबरीमा रोकेको नेपालले दोस्रो हाफमा दुई गोल ब्यहोर्यो ।
