माघ १०, इलाम । न्युरोड टिम (एनआरटी) इलाम गोल्डकपको फाइनलमा प्रवेश गरेको छ ।
आज (बुधबार) भएको पहिलो सेमिफाइनलमा आयोजक रेडहर्स फुटबल क्लबलाई सडन डेथमा ४–३ ले पराजित गर्दै एनआरटी उपाधि नजिक पुगेको हो ।
निर्धारित समयमा १–१ गोलको बराबरी सकिएपछि खेल टाइब्रेकरमा धकेलिएको थियो । टाइब्रेकरमा पनि बराबरी भएपछि सडन डेथमा एनआरटीले बाजी मारेको थियो ।
आजको खेलको म्यान अफ दि म्याच एनआरटीका गोलकिपर थेभ्स प्रिसो घोषित भए । भोलिको दोस्रो सेमिफाइलमा पाँचथर फुटबल क्लब र झापाको बिर्तामोड फुटबल क्लबबीच प्रतिस्पर्धा हुनेछ ।
१३ गते हुने फाइनल विजेताले पाँच लाख र उपविजेताले तीन लाख पुरस्कार पाउनेछन् ।
