माघ २७, काठमाडौं । नेपालले अन्तराष्ट्रिय मैत्रीपूर्ण फुटबल खेलमा चीनको युवा टिममाथि सानदार जित निकालेको छ ।
शनिबार चीनियाँ नयाँ वर्षको अवसरमा दशरथ रंगशालामा आयोजित प्रतियोगितामा चीनलाई ५–१ गोल अन्तरले हराउँदै नेपालको युवा टिमलेले सानदार जित निकाको हो ।
नेपालले दोस्रो मिनेटमै सञ्जिव विष्टको गोलबाट खेलमा अग्रता लिएको थियो । खेलको ३९ औं मिनेटमा समिर तामाङले गोल गर्दै नेपालको अग्रता दोब्बर बनाए ।
खेलको ५४ औं मिनेटमा समिर तामाङले ब्यक्तिगत दोस्रो गोल गर्दै नेपाललाई ३–० को अवस्थामा पुर्याउदा ६३ औं मिनेटमा छिरिङ लामाले नेपालका लागि चौथों गोल गरे ।
निराजन धामीले ७५ औं मिनेटमा नेपालका लागि पाँचौं गोल गरेका थिए । त्यसको तीन मिनेटपछि जाक्सी पेन्गुकुओले चीनका लागि सान्तवना गोल फर्काएका थिए ।
नयाँ वर्षको अवसरमा चीनले नेपालको यू–२३ टिमसँग मैत्रीपूर्ण खेलको आयोजना गरेको थियो ।
