फागुन १६, काठमाडौं । नेपाल साउदी अरबमा जारी वाफ वुमन्स च्याम्पियनसिपको फाइनलमा प्रवेश गरेको छ ।
मंगलबार भएको अन्तिम सेमिफाइनलमा लेवनानलाई २–१ गोल अन्तरले हराउँदै नेपाल प्रतियोगिताको उपाधि नजिक पुगेको हो ।
नेपालको जितमा साबित्रा भण्डारी र प्रिती राईले समान एक एक गोल गरिन् । यता लेवनानको लागि भने पुजा रानाले आत्मघाती गोल गरेकि थिइन् ।
पहिलो हाफमा १–० ले पछि परेको नेपालले दोस्रो हाफमा शानदार पुनरागमन गर्दै नेपालले जित निकालेको हो ।
खेलको ३८ औं मिनेटमा पुजा रानाले गोलकिपर एन्जिला शुब्बालाई ब्याक पास दिने क्रममा आत्मघाति गोल हुन पुगेको थियो ।
त्यसपछि सावित्रा भण्डारीले नेपालका लागि ७६ औं मिनेटमा बराबरी गोल फर्काईन् । खेलको इन्जुरी समयमा प्रिती राईले डिबक्स बाहिरबाट प्रहार गरेको बलले जाली चुमेपछि नेपाल विजयी बनेको हो ।
नेपालले अब उपाधिका लागि जोर्डनसँग खेल्नेछ ।