- आन्छुमे नसान
‘माई लभ फर यु इज फरएभर’
तिम्रो लागि मेरो माया सधैभरि रहनेछ…
लोकप्रिय गायिका सुनिता थेगिमको पछिल्लो गित लिम्बू र अङग्रेजीमा फ्युजन गरिएको प्रेमिल गित ‘माई लभ फर यु इज फरएभर’ दर्शक स्रोतामाझ चर्चाको रुपमा रहेको छ ।
गायिका थेगिमकै शव्द, संगीत र अभिनय समेत रहेको प्रेमिल गित ‘माई लभ फर यु इज फरएभर’ उनकै अफिसियल युट्यूव च्यानलबाट सार्वजनिक गरेसँगै गित र उनको चर्चा चुलिन थालेको हो ।
मलाई तिमी साह्रैनै मन प¥यो, अहिलेनै म तिम्रै हुन मन लाग्यो लुङा तरेबे भनी हेरन तिमीले मलाई कुन रुपमा हेर्छौ, तिम्रो लागि मेरो माया सधैभरि रहनेछ…भनेर सानैदेखि सगैं हुर्केको प्रेमिको यादमा रुमालिएको एक प्रेमिकाको भाव प्रस्तुत गरिएको गितको भिडियोमा सुनितालाई अभिनयमा प्रविण हाडिखामले साथ दिएका छन् ।
लिम्बू भाषाको गित संगीतलाई पनि नेपाली सुगम संगीत र पाश्चात्य संगीत सरह प्रतिस्पर्धामा लैजान सकिन्छ भन्ने गतिलो सन्देशको रुपमा लिन सकिने यस गितको संगीत संयोजन, मिक्सिङ तथा मास्टरिङ देवेश राईले गरेका हुन् ।
थुप्रै चर्चित गितहरु पस्किसकेकी पछिल्लो समय राई माईला ले गाउँ छाड्योरे भन्ने गितबाट लाखौं स्रोता दर्शकको मन जिती सफल कोकिल आवाजकी स्वर किनरी गायिका सुनिताको यो पछिल्लो लिम्बू र अङग्रेजी फ्युजन गितलाई पनि औधी रुचाएका छन् । गायिका सुनिता थेगिमले जादुमय आवाजसँगै शव्द र संगीत सृजनामा पनि आफुलाई सम्भावनाको रुपमा उभ्याएकी छन् ।
इशाक जबेगुको सुन्दर छायांकन रहेकोे भिडियोलाई दिनसन साहले न्यायोचित सम्पादन गरेका छन् ।
भिडियो हेर्नुहोस…
