काठमाडौं । आयोजक बंगलादेशले साफ यू–१९ महिला फुटबल च्याम्पियनसिपको उपाधि चुमेको छ ।
बुधबार ढाकामा भएको फाइनलमा भारतलाई १–० गोल अन्तरले पराजित गर्दै बंगलादेशले उपाधि चुमेको हो ।
बंगलादेशलाई उपाधि दिलाउन एनी मोगिनीले निर्णायक गोल गरिन् । पहिलो हाफ गोलरहित बराबरीमा सकिएको खेलको ८० औं मिनेटमा मोगिनीले गोल गरेकी हुन् ।
राउण्ड रोबिनको आधारमा भएको च्याम्पियनसिपमा बंगलादेश शीर्ष र भारत दोस्रो स्थानमा रहदै फाइनलमा पुगेको थियो ।
नेपाल भने प्रतियोगिताको तेस्रो स्थानमा रह्यो । र, नेपाल फाइनल पुग्न असफल भएको थियो । नेपालले फेयर प्ले अवार्ड जितेको छ ।