मङसेबुङ । साफ यु–१९ च्याम्पियनसिपमा नेपाल भारतसँग पराजित भएको छ ।
भारतको गोल्डेन जुब्ली स्टेडियममा मंगलबार भएको समूह ‘बी’को अन्तिम समूह चरणको अन्तिम खेलमा भारतसँग नेपाल ४–० ले पराजित भएको हो ।
यु–१९ प्रतियोगितामा भारतविरुद्ध नेपालको यो अहिलेसम्मकै सबैभन्दा ठूलो हार हो ।
भारतलाई जित दिलाउन रोहिन सिंहले दुई तथा ओमङ डोडुम र डानी मिथेईले समान एक गोल गरेका हुन् ।
यसअघि भएका दुवै भेटमा दुवै टोलीले पेनाल्टी सुटआउटमार्फत खेल जितेका थिए । सन् २०१५ मा सातदोबाटोस्थित एन्फा कम्प्लेक्समा भएको प्रतियोगितामा घरेलु टोली नेपालले पेनाल्टी सुटआउटमा ५–४ को जित निकाल्दै उपाधि नै हात पारेको थियो ।
भारतले फाइनल प्रवेश गर्न अर्को समूहको उपविजेता माल्दिभ्ससँग खेल्ने छ । नेपालले भने फाइनल प्रवेश गर्न बंगलादेशसँग खेल्ने भएको छ ।
