एजेन्सी । स्पेनिस ला लिगामा यो वर्षको सिजनमा मेसीले किर्तीमानी बनाएको छ । मेसीले सर्वाधिक २५ गोल गर्दै ला लिगाले प्रदान गर्ने पिचिची अवार्ड सातौ पटक प्राप्त गरेका छन् । यो अवार्ड सवाधिक धेरै सातौ पटक सम्म प्राप्त गर्ने मेसी एक्लो खेलाडी हुन ।
डिफेन्डीङ च्याम्पिय बार्साले ला लिगाको उपाधि गुमाए पनि सुखद अन्त्य गरेको छ । अन्तिम खेलमा बार्सलोनाले अलेभजमाथि ५–० को फराकिलो गोल अन्तर निकाल्दै सान्दार जीतसहित सिजन अन्त्य गरेको छ ।
बार्साको जीतमा कप्तान लिओनल मेसीले दुई गोल गर्नुका साथै एक असिस्ट गरेका थिए । बार्सिलोनाका लागि अंशु फाटी, नेल्सन सेमेडो र लुइस सुआरेजले समान एक–एक गोल गरे ।
अलाभेजको घरेलु मैदानमा भएको खेलको २४औं मिनेटमा फाटीले मेसीको पासमा गोल गर्दै बार्सिलोनालाई अग्रता दिलाएका थिए । ३४औं मिनेटमा मेसीले गोल गर्दै अग्रता दोब्बर पारे । त्यसको दश मिनेटपछि सुआरेजले गोल गर्दा बार्सिलोनाले पहिलो हाफमै ३–० को अग्रता बनायो ।
५७ औं मिनेटमा सेमेडोले बार्सिलोनाको लागि चौथो गोल गरे । ७५ औं मिनेटमा मेसीले व्यक्तिगत दोस्रो गोल गरेपछि बार्सिलोनाले सहज जित हात पारेको हो ।
कोरोना महामारीपछि एकरुप प्रदर्शन गर्न नसकेको बार्सिलोनाले यस सिजन उपाधि रक्षा गर्न भने सकेन । एक खेलअघि नै रियल मड्रिडले उपाधि पक्का गरेपछि बार्सिलोनाले अन्तिम खेलमा बिना दबाब खेलेको थियो ।
यस सिजन ३८ खेलबाट बार्सिलोनाले ८२ अंक जोड्दै दोस्रो स्थानमा लिग सकाएको हो ।