एजेन्सी । च्याम्पियन्स लिग फुटबलको जारी सिजनमा पेरिस सेन्ट जर्मन (पीएसजी) सेमिफाईनलमा प्रवेश गरेको छ ।
गलभग हारको अवस्थामा रहेको पीएसजीले खेलको अन्त्यमा नाटकीय ढंगले एटलान्टा विरुद्ध दुई गोल गर्दै अन्तिम चारमा प्रवेश गर्न सफल भएको होे ।
पीएसजीको जीतमा मार्किन्होस र चोपो मोटिङले समान १/१ गरे ।
खेलको अन्तिम मिनेटमा नेयमारको उत्कृष्ट पासमा मार्किन्होसले गोल गर्दै खेल बराबरीमा ल्याएका थिए । ईन्जुरी समयमा केलियन एम्बाप्पेको पासलाई सदुपयोग गर्दै चोपो मोटिङले पीएसजीलाई पुनरागमन जित दिलाए ।
पहिलो हाफमा ईटालियन क्लब एटलान्टाले खेलमा अग्रता बनाएको थियो । मारियो पसालिसले पीएसजीको कमजोर डिफेन्सको फाईदा उठाउँदै २६ औं मिनेटमा क्लबलाई अग्रता दिलाएका थिए ।
दोस्रो हाफमा केलियन एम्बाप्पे मैदान प्रवेश गरेपछि पीएसजीको अग्रपङ्तीमा सुधार आयो । एम्बाप्पे र नेयमारको जोडीले दोस्रो हाफभर एटलान्टाको डिफेन्सलाइ ब्यस्त राखेको थियो ।
खेलको अन्तिम मिनेटमा एटलान्टाका लुईस मुरिलले बराबरी गर्ने अवसर गुमाएका थिए ।
पीएसजी २५ बर्षको ईतिहासमा पहिलो पटक च्याम्पियन्स लिगको सेमिफाईनल प्रवेश गरेको छ ।
युरोपेली क्लब फुटबलमा राज गर्ने उद्धेश्य सहित पीएसजीले नेमयारलाई विश्व कीर्तिमानी मुल्यमा क्लबमा अनुबन्धन गरेको थियो । जसको प्रभाव बुधबारको खेलमा देखियो । उनले खेलमा दुई सुन्दर अवसर गुमाएका थिए ।
पीएसजीले सेमिफाईनलमा एट्लेटिको मड्रिड र आरबी आईपेजिंगबीचको विजेतासंग खेल्नेछ ।
