दमक/ भदौ २० मा हुन लागेको दमक उद्योग वाणिज्य संघको निर्वाचनका लागि नेपाली कांग्रेस निकट लोकतान्त्रिक व्यवसायीहरुको उम्मेद्वारहरु चुनावी मैदानमा उत्रिएका छन् । ७ गतेनै दमकको नमुना मार्ग सडकबीचमा दास्रो पक्ष संयुक्त लोकतान्त्रिक उद्योग वाणिज्य संघले आफ्ना उम्मेद्वारहरु सार्वजनिक गरी सकेको छ ।
उम्मेद्वारहरुमा अध्यक्ष पदका लागि युवा व्यवसायी तथा अघिल्लो निर्वाचनमा अध्यक्ष पदको प्रत्यासी गोकूल श्रेष्ठ रहेका छन् । वरिष्ठ उपाध्यक्षमा सुरज आचार्य, प्रथम उपाध्यक्षमा राजु खड्का, द्धितीय उपाध्यक्षमा राजकुमार योङया र तृतीय उपाध्यक्षमा रमा लिम्बु रहेका छन् ।
५ जना खुल्ला कार्य समिति सदस्यका लागि चन्द्र खत्री, तुल्सीराम तिम्सिना, नविन अग्रवाल, सञ्जित रौनियार, सुरज लिम्बु र रुपक दाहाल रहेका छन् ।
त्यसैगरी खुल्ला महिला सदस्य तर्फ दिलु सुब्बा र सुस्मा निरौला ( न्यौपाने) , वस्तुगत तर्फ सदस्यका लागि मोहन ढकाल ( होटल) , भेनस श्रेष्ठ (मोवाइल) प्रकाश नेपाल ( अटो मोाइल्स) रुवल अधिकारी ( सुनचाँदी) र तिलक डाँगी ( ग्याँस विक्रेता) लाई उम्मेद्वार बनाएको छ । लेखा समिति संयोजकमा पारसमणी आचार्य र सदस्यहरुमा दिपेन्द्र तिवारी र सञ्जिव बराल उम्मेद्वार बनेका छन् ।
निर्वाचित पदाधिकारीहरुको कार्यकाल ३ बर्षका लागि रहनेछ ।
