पदम दुखी सम्बाहाम्फे,
पाँचथरको कुम्मायक गाउपालिकामा बिगत बर्षको मुल्य भन्दा यस बर्ष अदुवा दोब्बर मुल्यमा बिक्री भइरहेको छ । यस बर्ष खडेरीका कारण अधिकांस क्षेत्रमा धान, मकै, कोदोको बिउ समेत मासिएको बेल अदुवा रोप्ने कृषकले भने उच्च भाउ पाएका कारण राहत पाएका छन् ।
कुम्मायक गाउपालिका भरीमा अनुमानित ५ हजार टन भन्दाबढी अदुवा उत्पादन भएको र अदुवा सरदर प्रति के. जि. १३८ रुपैयाँँमा किनबेच भइरहेको ब्यापारी बिष्णु बोहरा र कोषराज सम्बाहाम्फेले बताए ।
प्रतिमन ५५ सयमा अदुवा बेचेपछी अदुवा खेती गर्न उत्साहित भएको कुरा कृषकद्वय युरोप सम्बाहाम्फे र सङ्गिता लिम्बू बताउछन् ।
यस बर्ष अदुवाबाट मात्रै कुम्मायक गाउपालिकामा २ करोड भन्दा बढी रुपैयाँ भित्रिएको आकलन अदुवा व्यापारीहरु बिर बहादुर पाण्डे, बिकाश राई र किरण सम्बाहाम्फेले बताएका छ्न् ।
यस बारे यकिन तथ्यांक कृषि शाखा कार्यलयबाट आउन भने बाँकी छ ।
