दमक/ लिम्बू पत्रकार संघ ताप्लेजुङ शाखाको तेस्रो अधिवेशन शुक्रवार ताप्लेजुङको फुङलिङमा सम्पन्न भएको छ ।
कृष्ण फुरुम्बोको अध्यक्षतामा सात सदस्यीय जिल्ला समिति निर्वाचित गरेको छ ।
समितिको उपाध्यक्षमा दिलकुमार फेम्वू, सचिवमा टिका यक्सो र कोषाध्यषमा मनु मावो निर्वाचित भएका छन् ।
यसरीनै सदस्यहरुमा उदय खुदाङ, कल्पना लिङखिम र अनिता पन्धाक निर्वाचित भएका छन् । केन्द्रिय प्रतिनिधिहरुमा अमृता थलङ, गंगा लिङखिम, आलोक माबोहाङ, बसन्त पालुंवा र साहारा लंवा चयन भएका छन् ।
लिम्बू पत्रकार संघको केन्द्रीय उपाध्यक्ष बिजयबोध लावतीको प्रमुख अतिथिमा तथा जिल्ला अध्यक्ष दिनेश लिङखिमको अध्यक्षतामा कार्यक्रम सम्पन्न भएको थियो ।