काठमाडौं / नेपाल आयल निगमले पेट्रोलियम पदार्थको मूल्य १० रुपैयाकने दरले घटाएको छ ।
कोरोना भाइरस (कोभिड १९) को कारण कच्चा तेलको मूल्यमा भारी गिरावट आएपछि अन्तर्राष्ट्रिय बजारमा आएको मुल्य गिरावटसँग पेट्रोल, डिजेल, र मट्टीतेलको खुद्रा विक्री मूल्य १० रुपैयाँ प्रतिलिटरका दरले घटाएको हो ।
पेट्रोलियम पदार्थको मुल्य घटाउने निणर्य बुधबार बसेको नेपाल आयल निगम सञ्चालक समितिले गरेको हो । निगमका अनुसार १ अप्रिलमा इन्डियन आयल कर्पोरेसनले पठाएको मूल्यसूची अनुसार आजै राति १२ बजेदेखि लागू हुनेगरी पेट्रोलिय पदार्थको मूल्य १० रुपैयाँले घटाइएको हो ।
काठमाडौं उपत्यकामा पेट्रोलको खुद्रा मूल्य प्रतिलिटर ९६ रुपैयाँ पर्नेछ । डिजेल र मट्टितेलको खुद्रा मूल्य प्रतिलिटर ८५ रुपैयाँ भएको छ । आन्तरिकतर्फ हवाई इन्धनको मूल्य पनि प्रतिलिटर १५ रुपैयाँले घटेको छ भने हवाई इन्धनको मूल्य प्रतिलिटर ७५ रुपैयाँ कायम गरिएको छ ।
बाह्य उडानतर्फको हवाई इन्धन प्रतिलिटर ०. ९५ डलर कायम गरिएको छ । खाना पकाउने ग्यासको मूल्य भने यथावत राखिएको निगमले जानकारी दिएको छ ।
