एजेन्सी / चीनमा लकडाउन खोले संगै नयाँ कोरोना संक्रमित भेटिएका छन् ।
चीनले कोरोना भाइरसबाट मुक्त भएको जनाएको थियो । ९० दिनको लकडाउन पछि गत अप्रिल ८ मा चीनले लकडाउन खोलेको थियो । लकडाउन खोलेको पछिल्लो ४८ घण्टामा १०८ जनामा संक्रमित भेटिएको अन्तर्राष्ट्रिय सञ्चार संस्थाहरुले जनाएको छ ।
विश्व महामारीको रुपमा फैलिएको कोरोना भाइरसको उदगम थलो मानिएको चीनमा कोरोना भाइरसको कारण ३३४१ जनाको मृत्यु भइसकेको छ ।
नेपालमा पनि भोलि बैसाक ३ गते लकडाउनको समयावधी समाप्त हुनेछ । यदि सरकारले पुनः लकडाउनको अवधी थप नगरे जोखिम अझै बढेर जानेछ । नेपालमा अहिलेसम्म १७ जनामा कोरोना संक्रमित भएको पुष्टि भएको छ भने एक जना निको भइसकेको छ ।
