माङसेबुङ / इलामको माङसेबुङ गाउँपालिकामा २८ जनाको ¥यापिड डायगानोस्टिक टेस्ट (आरडीटी) गरिएको छ । परिक्षण गरिएका सबैको रिपोर्ट नेगेटिभ आएको माङसेबुङ गाउँपालिकाले जनाएको छ ।
शनिबार माङसेबुङ गाउँपालिकाका अध्यक्ष डिकेन्द्र इधिङगोको उपस्थितिमा स्वास्थ्य कार्यलय इलामबाट खटिएका स्वास्थ्यकर्मीबाट माङसेबुङ ५ स्थित सरस्वती माविमा परिक्षण गरिएको थियो ।
माङसेबुङको क्वारेन्टाइन, सामुदायिक क्वारेन्टाइन र होम क्वारेन्टाइनमा रहेका २८ जनाको ¥यापिड डायगानोस्टिक टेस्ट (आरडीटी) गरिएका सबैको रिपोर्ट नेगेटिभ देखिएको हो ।
पढाई तथा विभिन्न रोजगारीमुलक कामका शिलशिलामा गाउँपालिका बाहिर बसिरहेका नागरिकहरु लकडाउनको बेला गाउँ प्रवेश गरेहरुलाई परिवार र समुदायमा घुलमिल हुन नदिन सामुदायिक माङसेबुङ गाउँपालिका ३ स्थित मनिपुरमा स्थानीय सामुदायिक स्वास्थ्य सेवा इकाईको भवनमा र माङसेबुङ ५ स्थित सरस्वती माविमा सामुदायिक क्वारेन्टनइन स्थापना गरि सुरक्षित राखिएको थियो ।
परिक्षणमा रिपोर्ट नेगेटिभ देखिएपछि क्वारेन्टाइनमा रहेका सबैलाई घर–घरमा पठाइएको जनाएको छ ।
